https://www.eitb.eus/eitbpodkast/jakintza/kultura/astelehen-poetikoak/ eu-es © 2020 EITB Media EITB Radio Televisión Pública Vasca Poesia bizitza da eta bizitza, poesia. Episodic EITB Media eitbpodkast@eitb.eus false Arkeologia lan txikia izan da, Josu Goikok Astelehen poetikoak podcastean egin duena. Poesiaren arloko nobedadeak zuzenean pocastaren atalera ekarri beharrean, urtetxo batzuk dauzkaten poema liburuak aukeratu izan dituelako guri eskaintzeko. "Nik asko ikasi eta gozatu dut Arantxa Urretabizkaia, Koldo Izagirre, Karmele Igartua, Angel Erro, Castillo Suarez, Artze, Montoia, Bilbao eta beste hainbaten poemak irakurtzen" esan digu azken atal honetan. Eta urtean zehar aurkeztutako poeten lanen artetik, bigarren aukeraketa bat egin digu azken atalerako. Hala, Karmele Jaioren "Gosari aztarnak",  bigarrena Peru Magdalenaren "Argia" liburutik aukeratutakoa da, "Nere buruari" Manuel Lasarteren  bertso-poesia da hirugarren aukera eta Miren Agur Meaberen "Baratzeko deia" laugarren eta azkeneko olerkia,  Poesia, musika ederrez hornitua, beti bezala.  Eman Play, lehen bai lehen.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8899310/podcast-audioa-josu-goiko-hiru-poema-eta-bertso-sorta-bat-astelehen-poetikoak-amaitzeko-eitb-podkast/ 8899310 Sun, 03 Jul 2022 22:00:00 GMT 845 false Beatriz Chivite Ezkieta idazle irundar gazteak Pamielarekin argitara emandako "Pekineko kea" poema liburua ekarri du Josu Goikok "Astelehen poetikoak" podcastera. Txinako eta inguruetako paisaia fisiko eta humanoak jasotzen ditu poema laburretan, 1.400 miloi biztanle dituen Txinan egin zuen egonaldiaren ispilu. Josuren iritzirako, egonaldiko zertzeladak poema "inpresionistetan" bilakatu ditu idazleak. "Hiri gorrian", "Legarra", "Eginbeharrak", "Eta hantxe nengoen ni", "Haurtzaroko hotza" eta "Negua" izenburuko poema laburrak irakurri dituzte Josu Goikok eta Manu Etxezortuk irakurrita.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8469816/podcast-audioa-beatriz-chivite-txinako-begirada-inpresionistak-astelehen-poetikoakjosu-goik-eitb-podkast/ 8469816 Sun, 21 Nov 2021 23:00:00 GMT 661 false Galerari buruz aritu zaigu Josu Goiko Astelehen poetikoak podcastean.  Maite ditugun haiek hiltzean, gertatzen zaigun galera sentimenduaz, hutsune handiaz eta hustasun horretatik, zaurituta, baina bizirik atera beharraz. Idazle asko dira poema liburuak idatzi dituztenak. Kasu asko daude. Badira poesiara noizean behin itzultzen diren idazleak ere. Baina oso gutxi dira poesia soilik edo batez ere jorratzen duten idazleak. Eta horiei deituko diegu poetak. Horien artean nabarmentzen da Bergarako Idazle Eskolako zuzendari den Tere Irastortza. Duela berrogeita bi urte idatzi zuen lehen liburua Irastortzak eta geroztik beste bederatzi poema liburu idatzi ditu, ia denak Pamiela argitaletxearekin kaleratutakoak. Azkena 2015ekoa "Mundua betetzen zenuten" . Hurkoaren, maitearen, senidearen heriotzak uzten duen hustasun sentimenduarekin. "Zulo beltza den sabeleko korapilo horrekin goizero esnatu beharra". Doluaz eta hura atzean utzi beharraz. Hildakoei eskari bat egiten die Irastorzak Josu Goikok  aukeratutako bigarren olerkian eta "Amaierarako beste poema bat, adibidez" Agur esateak eskatzen duen esfortzua bilduz. Olerkien baltsamoaz mintzo da Josu Goiko podcastean.      https://www.eitb.eus/eitbpodkast/jakintza/kultura/astelehen-poetikoak/audioak/osoa/8571967/podcast-audioatere-irastorza-mundua-betetzen-zenuten-maite-direnen-galeraz-astelehen-poetikoak-eitbmedia/ 8571967 Sun, 09 Jan 2022 23:00:00 GMT 720 false Badira idazleak arnasten duten bezala idazten dutenak. Eta idazketa jario horretan hartzen dute tarteka astia jolaserako edo probarako. Adibidez, Raymond Queneau idazle frantsesa, istorio txiki ezdeus bat behin eta berriro modu desberdinetan estilo ariketa zoragarriak egiteko gai izan zena, edo Julio Cortazar argentinarra, ipuin eta nobela ederrez gain, eskailerak igotzeko esku-liburu bat maisuki idatzi zuena. Euskal herrian ezagunak dira, adibidez, Bernardo Atxaga eta Harkaitz Cano, bi idazle bikain literaturarekin jolas egiten dakitenak. Baina bada gehiago: Karlos Linazasororen poema liburua aukeratu du Josu Goikok Astelehen poetikoak podcastaren atalerako: "Gaur orain da betiko" izenekoa, Erein argitaletxearekin 2010ean argitaratutakoa. Karlos Linazasoro gure literaturako idazle oparoenetakoa da: idatzi du gazte eta helduentzat, idatzi du nobela, ipuina, aforismoa eta idatzi du poesia. Asko eta ona. Aukeratutako liburuak badu berezitasun bat, poema guztiak direla maitasunezkoak. Maitasuna, maitasun erromantikoa nahi bada, ardatz, abiapuntu eta helmuga. Eta horrez gain, olerki guztiak, maiteari, bihotzari, kuttunari, ttipiari zuzendutakoak dira. Olerki guztietan dago bigarren pertsona bat, pertsona maitatua, presente. Entzun Josu Goikoren ahotsean poema aukeratu horiek, EITB podkasten.    https://www.eitb.eus/eitbpodkast/jakintza/kultura/astelehen-poetikoak/audioak/osoa/8557840/podcast-audioa-karlos-linazasoro-gaur-orain-eta-betiko-maitasuna-ardatz-astelehen-poetikoak-josu-goiko/ 8557840 Mon, 03 Jan 2022 13:01:43 GMT 740 false Robustiana Mujika, Tene Mujika ( Deba 1888) gogora ekarri du Josu Goikok Astelehen Poetikoak podcastaren atal honetan. Emakume seinalatua, onerako eta txarrerako. Dendaria lanbidez, ekintzaile politikoa ere bai, Gipuzkoako Emakume Abertzale Batzako burua, emakume abertzale eta elizkoi sutsua izan zen, Sabino Aranaren itzalak goitik behera estalitakoa eta gerra ostean horrexegatik jazarria. Haren idazkiak, gaurko begietatik, oso atzerakoiak iruditu ahal zaizkigu; haren idazkera, orduko joera garbizale nekagarri samarraren ildokoa, zaharkitua, baina Josu Goikoren usterako, gaur egungo euskaldunok ahalegin bat egin behar genuke orduko ekintzaile eta idazleen testuingurua eta aurrekariak ulertzen ahalegintzeko. 1923. urtera egingo dugu atzera, urte hartan argitaratu zuelako Tene  Mujikak "Idazkiak eta olerkiak"  izeneko liburua. Handik aukeratu ditu   "Arrantzaliaren otoya",  "Nere leyua", "Ikazkin liluratua" eta "Gogo-negarra".  https://www.eitb.eus/eitbpodkast/jakintza/kultura/astelehen-poetikoak/audioak/osoa/8557687/podcast-audioa-tene-mujika-idazkiak-eta-olerkiak-1923an-olerki-eder-askoak-astelehen-poetikoak-eitb/ 8557687 Sun, 02 Jan 2022 23:00:00 GMT 766 false Sarritan poesia hitz arranditsuekin, potoloekin, lotzen dugu, ulertzea kosta egiten zaigun esanahi misteriotsuarekin. Poesiak batzuetan ahalegina eskatzen digu iristeko, eta  horrek, beldurtu ere egin dezake irakurlea eta poesiari atea itxi. Poesia guztia ez da ordea horrelakoa, bada poesia hurbilekoa eta ez da bestea baino okerragoa eta akuilu ona izan daiteke. Ione Gorostarzu poeta berastegiarraren "Des egiten"(2012)  izeneko liburuak, poema laburrak, esanahi garbikoak dakartza: emakume izatea, familia, maitasuna, sexua… dira haren gaiak. Poesiarako sarbide polita izan daiteke edonorentzat eta handik gaurko podcastaren uzta.  Aurreneko bi poemek izen bururik ez dute. Lehenengoak emakume jaio izana du abiapuntu  eta bigarrena, azpimarratzen diren liburuetaz. Ihesa eta Familiaren lotura azken bi poemen ardatza. Entzun Poemak Josu Goikok aukeratu eta irakurrita.     https://www.eitb.eus/eitbpodkast/jakintza/kultura/astelehen-poetikoak/audioak/osoa/8530569/podkast-audioa-ione-gorostarzu-des-egiten-esanahi-sakonez-jantzitako-poemak-josu-goiko-astelehen-poetikoak/ 8530569 Mon, 20 Dec 2021 13:02:17 GMT 597 false Uda Imajinatuz osatu du Josu Goikok Astelehen poetikoak podcastaren atal hau . Uda, uda eder bat, Bizkaiko Ea herria eta  Eako poesia egunak, joandako egunak, non poesiari egiten zitzaion gorazarre. Eta egun haietako batean, poeta azpeitiar bat, poema handiak letra minuskulaz idazten dituen poeta bat, ahots hauskorrez jendaurrea bere sarean harrapatuz oroitzen du. Jose Luis Otamendi poeta Azpeitiarra da oroitzapen hori eragiten diona .  "Erlojuaren Mekanika" (Susa 2007) liburutik hautatu ditu atal honetarako poemak. "Egunkari orri batekin", "Aberria zelan ahaztu" eta "Mundua" izeneko poemak.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8514874/podcast-audioa-jose-luis-otamendi-poema-handiak-minuskulaz-idazten-dituen-poeta-josu-goiko-eitb-podkast/ 8514874 Sun, 12 Dec 2021 23:00:00 GMT 839 false Leire Bilbao poeta ondarrutarra, pixkanaka haziz joan den poeta da Josu Goikoren iritzirako: Ezkatak, Scanner eta Etxeko urak lanekin. Azkena berriz,  amatasunaren azterketa eta bizipen poetikoa da. Sarreran dio" Ama, arraina bezain ama, zuhaitza bezain ama txoria neu ere". Denok gara erabat ezagutuko ez dugun ama baten seme-alabak. Nola nahi podcasterako haurrei zuzendutako poemak aukeratu ditu "Piztipoemak" eta "Xomorropoemak, Pamielarekin kaleratuak. Izenburuek iradokitzen duten moduan animaliak, itsasokoak eta lurrekoak, handiak eta txikiak dira olerkietako protagonista. "Anatomia Poetikoa", "Karramarro kakanarroa" , "Argindar kable baten gainean bi txori"  eta "Kilker hotsa dauka maiteminak" dira EITB podkasten ahots goran irakurtzeko aukeratu dituen poemak.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8507050/podcast-audioa-leire-bilbao-piskanaka-haziz-joan-den-poeta-eitb-podkast/ 8507050 Thu, 09 Dec 2021 13:15:59 GMT 551 false Gasteizen bizi den poeta oñatiarrari, Gerardo Markuletari eskaini dio Josu Goikok Astelehen poetikoak podcasta. Agian izen ezaguna publiko zabalarentzat, baina izen estimatua letren munduan eta haren hainbat poema kantu bihurtu dituzte Jabier Muguruzak, Mikel Urdaungarinek eta beste hainbatek. "Itzultzaile fina eta poeta ezin finagoa" jotzen du Josuk Markuleta, eta begi zorrotzeko literatura kritikaria, egun horretan ez dabilen arren. Blas de Oteroren poemak edo eta Jean Echenozen eleberriak eta Julio Cortazarren  ipuinak itzuli ditu, eta bere sormenetik ekarriak ditu sei poema liburu. "Batak ez du bestea kentzen izeneko liburukoak  aukertau ditu Astelehen poetikoak  podcastean  irakurtzeko, "zein baino zein ederragoa" dio Goikok, "itsutu egin naute". "Iferneguan", "Behin bederen", "Heldu artean" hiruen izen buruak.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8485338/podcast-audioa-gerardo-markuleta-itzultzaile-fina-poeta-ezin-finagoa-josu-goiko-eitb-podkast-manu-etxezo/ 8485338 Mon, 29 Nov 2021 11:23:17 GMT 575 false Arkadia, hatxe gabe, Greziako lurralde bat da, mendebaldeko kulturak leku idiliko batekin lotu duena. Arkadia zoriontsua. "Et in Arcadia ego" da XVII. mendeko pintore frantziar baten margo baten izenburua, non azaltzen den artzain batzuen hilobia, eta hilarrian esaldi hori idatzita. "Eta Arkadian ni". Batzuek uste dute esaldi horrek adierazten duela heriotzaren nagusitza bizi guztiaren gainetik, Arkadia zoriontsuan bizi izan ziren guztiak hilik daudela orain. Denboraren igaroa, eta abar.  Eta harkadia, hatxez, euskaraz da harritza, harria edo arroka dagoen tokia. Josu Goikok Astelehen poetikoak podcastean azaldu nahi izan digu, "Eta harkadian ni" liburua argitara eman zuela orain hogei urte Angel Errok, artean 24 urte zituen Burlatako idazle gazteak baina "liburu zoragarria, fina, kultua eta bikain idatzia" da Goikoren iritzirako. Anjel Errok Grezia eta Erroma zaharretako literatura klasikoak hartzen ditu eredutzat bere poemak, "ehun eta bat epigramak" (ziri-bertso laburrak) eta "eglogak" (artzain poemak edo elkarrizketak), idazteko.  Handik aukeratu ditu podcasterako irakurgaiak.     https://www.eitb.eus/eitbpodkast/jakintza/kultura/astelehen-poetikoak/audioak/osoa/8453923/podcast-audioa-angel-erro-eta-zer-diren-arkadiak-eta-harkadiak/ 8453923 Mon, 15 Nov 2021 11:09:15 GMT 625 false Badira poetak pentsamenduan eta irudian indarra  dutenak. Eta gero badira beste poeta batzuk, pentsamenduari eta irudiarekiko arreta galdu gabe, belarriari arreta berezia jartzen diotenak. Horiek gustatzen zaizkio Josu Goikori. Mari Luz Esteban Euskal Herrian ditugun pentsalari garrantzitsuenetako bat da. Antropologoa, ikerlaria, unibertsiteko irakaslea, euskal feminismoaren ahots errespetatua… eta poeta. Beranduko poeta, dena esatera ,54 urterekin atera bait zuen Pamielarekin "Amaren heriotzak libreago egin ninduen" poesia liburua. Gero beste bat idatzi du, "Andre zaharraren manifestua" izenekoa eta biek utzi dute arrastoa Astelehen poetikoak podkastean azpimarratu digunez. " Estebanek hitzak eta hitzen arteko harremana, bere poesiei erritmo, musikalitate eder bat emanez". "Eskapan", "Lantuaren etxea", "Baina" eta "Esku-ahurra" ahost goran irakurri dizkigun poemen izenak.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8603990/podcast-audioa-mari-luz-esteban-antropologo-pentsalari-feminista-eta-poeta/ 8603990 Mon, 24 Jan 2022 12:49:05 GMT 618 false Xabier Montoiaren Gorraizea da azken urteotan Josu Goikori  gehien gustatu zaion  diskoetako bat. Ibon Rodriguezekin ondu zuen Montoiak disko hau eta, zinez, borobila atera zitzaien lana. Kanta ia-ia biluziak dira, piano, biolin, biola eta txeloz lagundutakoak.. Kantuen hitzetan, bada, zer esan, musikari eta idazle honen ohiko gaiak eta, batez ere, tonua azaltzen dira: garratza eta ironikoa, krudela eta gozoa, etsia eta ezin gizatiarragoa.  Hertzainak eta M-ak taldeetako sortzaile honek poesia idazten ekin zion bere ibilbide literarioari. Nahiz eta gero prosaz idatzi, Montoiaren lehen hiru liburuak poesia lanak dira, hirurak Susa argitaletxearekin eta oso urte gutxian ateratakoak: "Anfetamiña", "Likantropo" eta "Narraztien mintzoa". Gerora, bere ziklo poetikoa ixteko, 2005ean Bingo izeneko liburua atera zuen Pamielarekin. Bingo da Montoiaren hiru poema liburuen antologia bat gehi ondorengo hamar urteetan idatzitako poemen bilduma.  Josu Goikok ohi bezala hiru poema aukeratu dizkigu antologia horretatik  Astelehen Poetikoak podcasterako  Atarikoa,  Postrerik gabe eta  "Xanti Iparragirreren -"Biziaren azala" irakurri ondoan"     https://www.eitb.eus/eitbpodkast/jakintza/kultura/astelehen-poetikoak/audioak/osoa/8438008/podcast-audioa-josu-goiko-xabier-montoiaren-tonu-garratza-eta-ironikoa-bana-gozoa-eta-gizatiarra-aldiberean/ 8438008 Sun, 07 Nov 2021 23:00:00 GMT 834 false Azaroaren hasieran, hildakoak oroitzen dira kultura askotan eta heriotzari buruko poesiari egin diogu tartea Astelehen poetikoak podcastean.  "Orain hilak  poema liburua" eta Karmele Jaiok idatzia da. Haren nobeletako istorioetan bezala, hemen ere Jaio ez dabil txikikeriatan, eta gaur egungo pertsona helduaren barrenak mahai gainera ekarri eta bistan jartzen ditu Josu Goikoren iritzitako . Bertso lerro laburrez, apaindura gutxirekin, zuzen. Hildakoez eta haien bizitzaz mintzo da Jaio, Josu Goikok aukeratutako hiru poematan.  "Gosari aztarnak",  " Ihesi II"  eta "Ez nazazu begiratu". https://www.eitb.eus/eitbpodkast/jakintza/kultura/astelehen-poetikoak/audioak/osoa/8409486/podcast-audioa-karmele-jaio-orain-hilak-heriotzaz-eta-hildakoen-bizitzaz-/ 8409486 Sun, 31 Oct 2021 23:00:00 GMT 598 false Urte batzuk ditugunok haurrak ere izan ginen, aspaldi, eta Hegoaldean hazi ginenok, ETB etorri arte, Televisión Española baino ez geneukan telebistan. Baziren garai hartan saio batzuk "La cometa blanca"  eta "Un globo, dos globos, tres globos" izenekoak, eta saio haietako kolaboratzaileen artean, bazen emakume bat, urtetsua, ile labur urdinduna, ahots lakarrekoa, poeta.  Umeentzat idazten zuen Gloria Fuertesek, baina baita helduentzat ere. Ibilibide luzeko poeta zen Fuertes eta haren poemetan, batez ere hasierakoetan ikusten da frankismo gogorreko urte grisean bizimodua atera behar zuen emakume langile bat. Haurrentzako poemetan bezala, haren helduentzako poemetan badago doinu jostari bat, baina eguneroko bizitzako zertzelada gordinez jantzia. Haren mende hurrenarekin bat etorriz "Euskarari ekarriak" izeneko webgunean haren antologia zabal bat ondu zuen Josu Landak handik aukeratu ditu Josu Goikok, podcast honetarako hiru poemak. " Ez dute idazten uzten". "Ez dezagun denbora gal" eta "Autobio" egilearen biografia biltzen duena.    https://www.eitb.eus/eitbpodkast/jakintza/kultura/astelehen-poetikoak/audioak/osoa/8409431/podcast-audioa-gloria-fuertes-josu-landak-itzulitako-poeta-lesbiana-ezkertiar-eta-feminista/ 8409431 Tue, 26 Oct 2021 09:24:13 GMT 637 false Badira idazle batzuk asko idatzi eta beti oso ondo egiten dutenak. Juan Kruz Igerabide baino egile oparoagorik euskal literaturan! Haur eta Gazte literaturan da batez ere ezaguna Adunako idazlea eta hor du lanik ikusgarriena: hainbat eleberri eta batez ere, ahozko literaturen iturritik edaten duen poesia. Ezaugarri bat: haren umeentzako poesian, sarri nabari da haiku japoniarren eragina. Helduentzako poesia ere badago Igerabideren idatzien artean, maitasunari edo heriotzari dagozkion gaiak tartean. Hiru poema aukeratu dizkigu Josu Goikok podcasterako, "Esperantzari leiho bat" ," Lagun bat hil zitzaigun joan den astean; etxean izan ditugu haren emaztea eta alaba" eta "Maitasunaren gogoeta". Entzun bere ahotsean.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8396931/podcast-audioa-josu-goiko-juan-kruz-igerabide-ahozko-literaturen-iturritik/ 8396931 Mon, 18 Oct 2021 22:00:00 GMT 594 false Karmele Igartua poeta Aretxabaletarraren "Itsaso kontra bat" du izena Josu Goikok podcasterako  aukeratutako liburuak. Pamielak argitaratu zuen 2011. urtean. Ordurako Bada, egilea hilda zegoen,  Igartuak heriotza ekarri zion gaixoaldian idatzi zuen liburua; bizitzarekin, heriotzarekin, minarekin, pozarekin, denborarekin eta beste hainbeste gairekin tira-biran zebilela. Tere Irastortza poeta lagunak egin zizkion azken zuzenketak Igartua hil ondoren, baina Irastortzak esana da, liburua ia osorik zeukala egileak prest. Ekimen "oso ausarta da", Josu Goikoren iritzirako. Indarra behar bait du pertsonak poesia idazteko egoera horretan.  "Garen-garena", "Belaontzia"  eta "Esadazu maitte nauzula" dira eitb podkasten ale honetarako JOsu Goikoak aukeratu dituen poemak.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8376274/podcast-audioa-bizitza-heriotza-mina-pozarekin-eta-denborarekin-tirabiran-astelehen-poetikoak-josu-goiko/ 8376274 Mon, 11 Oct 2021 22:00:00 GMT 621 false Astelehen poetikoak podcastean, itzulpengintzari esker ezagutu dugun poesiari buruz hitz egin digu Josu Goikok. Joseba Sarrionandiak du "Izkiriaturik aurkitu ditudan ene poemak" izeneko liburua. Liburuki horretatik  aukeratu ditu Josuk gaur irakurri dizkigun poemak . https://www.eitb.eus/eitbpodkast/jakintza/kultura/astelehen-poetikoak/audioak/osoa/8367176/podcast-audioa-itzulpengintzari-esker-ezagutu-ditugu-poeta-on-askoastelehen-/ 8367176 Thu, 07 Oct 2021 10:34:50 GMT 676 false Josu Goikok, liburutegietako apaletan dagoeneko ez dauden poesia liburuei eskaini nahi dizkie datozen Astelehen poetikoak. Podcastean bere iritzirako liburutegietan "denbora gutxiegi" egiten duten poesia liburuetako poemak aukeratu eta ahots goran irakurriko dizkigu. Arantxa Urretabizkaiak idatzitako bi poemari eskaini dio atal hau. "San Pedro bezperaren ondokoak" poema horietako bat, 1972an idatzia baina aktualitaterik galdu ez duena. Euskal Herrian Europako beste lekuetan baina poesia gehiago irakurtzen dela badaki, horregatik argia eman nahi die "almazen ilunetan" gordeta dauden poema liburuei.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8295070/podcast-audio-indusketa-poetikoan-liburuei-bizitza-laburregia-ematen-zaie-josu-goiko-astelehen-poetikoak/ 8295070 Mon, 06 Sep 2021 11:41:47 GMT 731 false Emakumearen egunaren arian  Feminismotik egin du aukeraketa Josu Goikok bere irakurketa poetikorako. Aitortu digu, "totelka" baina ari dela ikasten Feminismoaren hizkuntza, ahalegin osoz , nahiz eta jakin badakien "gramatika osoa" ez duela sekula dominatuko.  Uxue Alberdik itzulitako Alfonsina Storni-ren poema bat , Adrienne Rich-en beste bat, kasu honetan Maialen Berasategik itzulia eta Mari Luz Estebanen beste ale bat dira podcast honetako aukerak. https://www.eitb.eus/eitbpodkast/jakintza/kultura/astelehen-poetikoak/audioak/osoa/7896345/podcast-audio-astelehen-poetikoak-josu-goikoetxea-hizkuntza-berri-bat-ikasten-ari-naiz-totelka/ 7896345 Tue, 09 Mar 2021 08:45:45 GMT 511 false Euskaltzaindiaren hiztegiaren arabera Tundra, "Eskualde artiko eta antartikoetako ordoki zingiratsu eta zuhaitzik gabea, goroldioz eta likenez estalia izaten dena" da. Izenburu horixe du, "Tundra", Igor Estankonak 2002an Susa argitaletxerekin argitaratutakoak, baina basamortutik gutxi du Josu Goikoren iritzirako. Areago hogeita bost urte zituela idatzi zuelako. Arrasto gozoa utzi zion liburua izan zela gogora erazi digu Astelehen poetikoak Podcastaren gaurko atalean, maitasuna, introspekzioa, behaketa, memoria… hainbat gai eta tonu daude bilduta liburuan, modu ederrez idatzita" esan du. Poeta behatzailea da Estankona, eta naturan izan ohi du poetaren talaia onena.  "Kanpoan", "Izarrak" eta "Lehen harresiak", Igor Estankonak maitasunari kantatzen dion liburutik Josu Goikok aukeratu dizkigun poemak.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8588600/podcast-audioa-igor-estankona-tundra-ez-den-tundra-astelehen-poetikoak-josu-goiko-eitb-podkast/ 8588600 Mon, 17 Jan 2022 13:56:00 GMT 678 false Bertsoa olerkia ote da? Bertsolaritza eta olerkigintza bikiak al dira, bata zarpaila eta bestea jantzia, bata kalekoa eta bestea eskolakoa, bata jendaurrekoa eta bestea barnekoia?  Hori uste zen duela ez askora arte, baina ez, azkenean nahiko argi ikusi da biek dituztela oso funtzio eta oso baliabide desberdinak. Bertsoak bilatzen du berehalako komunikazioa, bat-bateko ulermen gabe, bertsoa bota orduko galdu da. Ostera, poesia gehiago dago lotua, Letek esango lukeen moduan, "inefableari", hitzez ondo azaldu ezin den sentimendu edo ideia bati. Baina horrek ez du esan nahi, noizean behin, elkar elikatu ezin dutenik. Hala uste du behintzat,  Josu Goikok Astelehen poetikoak podkastaren gaurko alean azaldu duenez.  Manuel Lasarteren "Beranduko lanak"  Auspoa sailean, Antonio Zabalak zuzendutako liburuan aurkitu ditu irakurtzeko aleak. Manuel Lasarte ezagutzeko aukera izan zuen. Beste denbora bateko gizona zen, Leitzan jaioa, baina bizialdi gehiena Orion igarotakoa, Euskal Herriak eman duen bertsolari onenetakoa jotzen du. Estilo aratzekoa, erabiltzen zuen errima estuagatik zen ezaguna. "Nere buruari", "Gezurra", eta "Maite bati" izen buruko poemak irakurri dizkigu Josuk, ahots goran.    https://www.eitb.eus/eitbpodkast/jakintza/kultura/astelehen-poetikoak/audioak/osoa/8619393/podcast-audioa-manuel-lasarte-bertsolari-poeta-astelehen-poetikoak-eitb-podkast/ 8619393 Mon, 31 Jan 2022 10:34:04 GMT 736 false LGTBI+ Harrotasun egunaren testu inguruan, poeta homosexual baten poesia aukeratu nahi izan du Josu Goikok, Andolin Eguzkitzaren "Mila urte igaro eta, ura bere bidean" (Susa, 1993)  poesia liburu labur bezain  ederrekoa. Andolin, gazterik hil zen bihotzekoak jota. Poeta homosexuala zen. "baita euskaltzaina, euskaldunberria, santurtziarra, abertzalea, euskaltzalea eta pertsona oso maitatua ere", Josuk azpimarratu nahi izan duenez. Bereziki, gorazarre horiek guztiak aurkitu izan dituelako berari buruzko aipamenetan ez ordea, "haren gaytasunari erreferentzia egiten zion aipurik, Angel Erro, Juanjo Olasagarre eta Rikardo Arregi poeta gayen testu batzuetan salbu". Eta horrexegatik jarri nahi izan ditu azpimarratuta haren poemetan badagoela  "beste gizon batzuk desiratzen dituen gizona, protesta egiten duen gizona ere bai, irakurtzen duen gizona" eta horiek guztiak barrutik ateratzeko idazten zuela poetak.  AEB-n zegoela, Eguzkitzak idatzitako "Oraina". Jende zuhurraren artean afaldu naiz bart" eta "Hitzak" izeneko poemak aukeratu ditu Josuk, gaurko Astelehen poetikoak podcastean ahots goran irakurtzeko.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8892892/podcast-audioa-andolin-eguskitza-mila-urte-igaro-eta-ura-bere-bidean-poema-liburu-eder-fin-eta-laburra/ 8892892 Sun, 26 Jun 2022 22:00:00 GMT 684 false Marokora bidaia egin dugu Astelehen poetikoak podcastaren atal honetan, Aitziber Galardiren "Mendafin usaineko iluntzeak" (Erein,1995) poema liburuaren bitartez. Blas de Otero saria irabazi ostean eman zuen argitara liburua Oiartzungo idazleak. Josu Goikoren iritzirako, oso liburu polita da, "izenordearen adiera onenean". Oso era bizi eta ederrean deskribatzen ditu Galardik Marokoko paisaiak, usainak, jendea (batez ere jendeak) eta bere pentsakizunak eta bizipenak. Gainera, liburuan han eta hemen egilearen beraren marrazkiak ageri dira, olerkiak laguntzen. "Asniko mendi azoka" , "Avenue Mohamed VI", eta "Tea Prestatzen - Atay S Nanah" dira ahots goran irakurtzeko aukeratu dituen hiru poemak.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8825182/audioa-aitziber-galardi-mendafin-usaineko-iluntzeak--marokorako-bitakora-josu-goiko-goikoetxea-eitb-p/ 8825182 Sun, 01 May 2022 22:00:00 GMT 638 false Amaia Lasa Alegriaren poesia aukeratu du Josu Goikok  Astelehen poetikoak podcastaren 40. atalerako. "Euskal poesiara emakume ahots berri, urratu eta bizia ekarri zuen poeta" gisara definitu duena. Eta "Itsasoko izaki" (Maiatz 2010) Getariarrak  argitara emandako azken poesia liburutik egin du ahots goran irakurtzeko olerkien aukeraketa "ni indartsua, boteretsua" topatzen duelako poemetan. Nikaraguan Lasak egin zuen egonaldiari lotutakoa da aurreneko olerkia "Tropikoko euria", "Gizonaren amets okerra" da bigarrena, Lasaren poetikaren erdigunean emakumea dagoelako, eta "nire unibertsoa" olerkia aukeraketa amaitzeko.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8884610/podcast-audioa-amaia-lasa-itsasoko-izaki-emakume-ahots-berri-urratu-eta-bizia-astelehen-poetikoak-eitb/ 8884610 Sun, 19 Jun 2022 22:00:00 GMT 572 false "Munstro abertzalea" (Elkar 2002) , Inazio Aiestaran , Filosofia irakasle eta pentsalariak argitara emandako olerki liburu bakarra, Joxe Azurmendiren hitz-oste luzea du eta itxura batean hark bezala, Inazio Aiestaranek ere  pentsalari eta poetaren arteko dikotomia ez du onartzen. Ez du behintzat poesia liburu gehiago argiatara eman.  "Munstro abertzalea"herri honen kume kontraesankorra da Josu Goikoren ustez , edo hobeto esanda," herri kontraesankor honen kumea". "mailuak" iruditzen zaizkio Josuri Aiestaranen olerkiak. Intimista da ahots goran irakurtzeko aukeratu duen lehen poema "Haurtzarotik helduarora" , "Aitaren etxea" olerkian zuzenean erantzuten dio Gabriel Arestiri eta "Nire Aitaren heriotza-ziurtagirian agertzen ez dena" da hirugarren olerkia.  Eman Play-ri eta entzun.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8876221/podcast-audioa-inazio-aiestaran-munstro-abertzalea-herri-kontraesankor-honen-kumea-astelehen-poetikoak/ 8876221 Sun, 12 Jun 2022 22:00:00 GMT 645 false Maiatz aldizkaria eta argitaletxea erreferentea dira iparraldeko kulturan. Josu Goikok Astelehen Poetikoak podcastaren atal honetarako aukeratu duen Marikita Tambourin idazlearen olerki bilduma argitaletxe honakoa da. Bizitza osoan zehar Iparraldeko sortzaileak Euskaraz eta Frantzesez idatzitako olerkiak dira, eta Josuk Euskarazkoak aukeratu ditu ahots goran irakurtzeko. Bizialdi garratza ageri da bertso-lerro laburretako poematan. Inguru historikoak, politikoak eta pertsonalak markatzen dituzte olerkiak. Arbasoek utzitako ondarea, gatazka politiko eta armatuaren ondorioak, GALen atentatuek eragindako izua, Tambourinen intimitate mindu ageri delarik. 70 hamarkadako borroka politikoa biltzen dituzte Josu Goikok irakurtzen dituen lehen lau olerki laburrek , "Gure arbasoak" eta " Uhartearen ametsa" dire beste bien izen buruak.    https://www.eitb.eus/eitbpodkast/jakintza/kultura/astelehen-poetikoak/audioak/osoa/8868230/podcast-audioa-marikita-tambouring-iparraldeko-idazlearen-olerki-bilduma-elebiduna-astelehen-poetikoak-eitb/ 8868230 Sun, 05 Jun 2022 22:00:00 GMT 509 false Heteronimoa, ezizen edo izen orde baian haratago doan hitza da. Idazle askok erabili izna dute heteronimoa beren lanak kaleratzeko. Agian heteronimoak erabili zituen poeta ezagunena Fernando Pessoa portugaldarra izan zen. Bat ez, hiru heteronimo erabili zituen bere obra idazteko: Alberto Caeiro, Alvaro de Campos eta Ricardo Reis, bere izen propioaz gain. Eta zertarako? Ba, Josu Goikoren iritzirako idazkera estilo desberdinak sortzeko, "tematika berriak probatzeko; azken batean, Pessoa poetarengandik aldentzeko, poeta berriak sortuz".  Edorta Jimenezek, Omar Nabarro heteronimoa erabili du bere obra poetiko osoa sinatzeko.2010eko liburua da "Haragizko amoreak", Susarekin 2010ean argitaratutakoa, eta momentuz Nabarroren azkena. "Liburu karnala da, sentsuala, maitasunak indar handia du liburuan, hargaizko forman, baina samurra ere bada, amari eskainitako poema ederra dago orriotan" esan digu  Josu Goikok liburuaz Astelehen poetikoak podcastean , eta Jimenezen obra osoan zehar gertatzen den bezala, "klase kontzientzia handia" ageri dela liburuan. Mudakarra izaki, Itsasoa oso presente dago Jimenezen eta bide batez, Nabarroren poesian.  "Sabako Erregina",  "Ugertuko da titanioa" eta "Joan Libre"  poemak aukeratu ditu Josuk ahots goran guri irakurtzeko.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8859943/podcast-audioa-edorta-jimenez-edo-omar-navarro-bere-heteronimoaren-haragizko-amoreak-eitb-podkast-j-goiko/ 8859943 Sun, 29 May 2022 22:00:00 GMT 646 false Astelehen poetikoak podcastaren bidez Josu Goikoak izaten duen  helburuetako bat, "denborak pilatutako hondarrak estali dituen liburuak" berriz ere  aire zabalera ekartzea izaten da. Eta podcastaren atal honetan,  Aurelia Arkotxaren orain ia hogeita hamar urteko poesia liburua "Atari ahantziak" liburuari eman nahi izan do arnasa. Euskaltzain Baigorriarrak idatzi duen poesia liburu bakarrari.  Izan ere Josuren iritzirako, oso gauza zaila lortzen du Arkotxak liburu honetan "kultua da eta, aldi berean, hurbila. Ez du errazkeriara jotzen". irakurleari eskaintzen dizkio historiaren eta kulturaren hainbat printza eta beste hainbat bizipen pertsonal, olerkietara ekarrita. Josuk, hiru hauek aukeratu ditu ahots goranzko irakurketarako: "Dundu", "Nausikaa" eta "Itsaski".  Play eman eta gozatuko dituzu.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8851622/podcast-audioa-aurelia-arkotxa-atari-ahantziak-sentsibilitate-finez-idatziak-astelehen-poetikoak-eitb/ 8851622 Sun, 22 May 2022 22:00:00 GMT 672 false Bilboko eta euskal herrietako poeta, "euskal kultura astindu zuen gizona" izan zen Gabriel Aresti, Josu Goikoren esanetan. Poeta soziala, eta pertsona  "zaila" aldi berean, bere izaera pertsonalaren ondorioz.  Gazterik hil zen, 41 urterekin eta gaixoaldi baten ondoren. "Harri eta herri" da haren liburu famatuena, 1964koa, eragin handia izan zuena euskal literaturaren historian, formagatik eta bereziki zerabilen tematika sozialagatik. "Zorrotzako portuan aldarrika", "Egia bat esateagatik", edo eta "Nire aitaren etxea" poema markatzaileak jasotzen ditu liburu horrek. Josu Goikok ordea, "Harrizko herri hau" (Lur 1971) liburua aukeratu du Astelehen poetikoak podcastaren ale honetarako. "Liburu tristea" azpimarratu du Josuk eta honoko hiru poema hauek aukeratu ahots goranzko irakurketarako.  "Gizonaren ahoa", "Gizona geldi-arazteko bertsoak" eta testamentua dirudien poema "Kontadore eta poeta" deritzona.  Eman Play eta gozatu!  https://www.eitb.eus/eitbpodkast/jakintza/kultura/astelehen-poetikoak/audioak/osoa/8842833/podcast-audioa-gabriel-aresti-gizon-forma-zuen-ekaitza-astelehen-poetikoak-josu-goiko-eitb-podkast/ 8842833 Sun, 15 May 2022 22:00:00 GMT 714 false Jon Gerediagaren "Argia, lurra, zuhaitza, zerua liburua" (Pamiela 2015) da Astelehen poetikoak podcastaren ale honetarako Josu Goikok egin duen aukera. Gerediagak,  ibilbide luzea du sorkuntzan, antzerkian hasi zen, Bilboko Antzerkiola Imaginarioa izeneko taldean; besteak beste, Ander Lipusekin batera. Baina gerora, poesian egin du ibilbidea nagusiki. "Destilazio baten emaitza" dela  haren lana uste du Goikok,  "kentzen eta kentzen" mamira heldu dela " Urtaroak eta zeinuak"  eta "Natura berriak" liburuetan. Natura, erdigunea da  Jon Gerediagaren poematan.  Ahots gorazko irakurketarako, erreka, gaua naturan eta euri zaparrada gai bezala jasotzen dituzten poemak aukeratu ditu  Josu Goikok.      https://www.eitb.eus/eitbpodkast/jakintza/kultura/astelehen-poetikoak/audioak/osoa/8834734/podcast-audioa-jon-gerediaga-argia-lurra-zuhaitza-zerua-naturaz-astelehen-poetikoak-eitb-podkast/ 8834734 Mon, 09 May 2022 09:49:37 GMT 603 false Joan Mari Irigoien oso idazle oparoa izan da eta da, poesia eta nobela idatzi ditu batez ere. "Babilonia" edo "Lur bat haratago" dira ezagunenak. Azkeneko lana "Sorgin-argien ehizan" poesia liburua.  Sonetoa ez da euskal literaturan asko erabili den neurria, ohikoagoa da zortzikoa. Izan ere, Sonetoak oso neurkera estua du: hamaika silabako hamalau bertso lerro, lau ahapalditan banatuta. Lehenengo biak lau lerrokoak eta azken biak hirukoak, eta errima estua lerroetan banatuta. Horrexegatik "Biziminaren sonetoak" argitara emanez  neurri estuko balentria handia egin zuen Irigoienek 2004an  Josu Goikoren iritzirako "gozamena da poeta bat neurriaren eta errimaren arteko solas eta borrokan irakurtzea". Hiru soneto hauek aukeratu ditu Astelehen poetikoak podcastaren atal honetarako. "Hauts-errautsen arteko solasa" ,"Bagdadeko gaua", eta "Ulizar mendia".    https://www.eitb.eus/eitbpodkast/jakintza/kultura/astelehen-poetikoak/audioak/osoa/8809086/podcast-audioa-joan-mari-irigoien-biziminaren-sonetoak-idazlearen-neurri-estuko-balentria-eitb-podkast/ 8809086 Sun, 24 Apr 2022 22:00:00 GMT 559 false Rikardo Arregi Diaz de Heredia, "Bitan esan beharra"  (Alberdania 2021) poesia liburua, zoragarria egiten zaio Josu Goikori, "poeta handi baten" kalitatezko liburua deritzo.   Badira liburu eskuzabalak, orriz orri irakurlearen gogoa, hari atsedenik eman gabe, asetzen dutenak, eta hau da horietako bat jotzen du. Gauza arraroa izaten dena poema liburu luzeetan, zaila bait da  da 170 orrialdeko poema liburu batean, mailari eustea eta honek aise gainditzen du balentria hori, Goikoren aburuz.  "Liburu honek badu Mediterraneoaren kresal usain bat, bidaiaria da, kultua, kultura klasikoaren goresle... Topiko literarioak hamaika dira: "carpe diem", adibidez edo "tempus fugit" (denbora ihesi doa). Beste bat da "locus amoenus" (leku atsegina) eta topiko hori baliatuta ontzen du Arregik poema luze samar eder hau" esan digu hitzez hitz Josuk Astelehen poetikoak podcastaren atal honetan. "Leku Atsegina", "Gerra argazkia" eta izen buru gabeko hirugarren bat aukeratu ditu ahots gorazko irakurketarako, hasteko aukeratu dituen bi poematxoaz gainera.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8636249/podcast-audioa-rikardo-arregi-diaz-de-heredia-bitan-esan-beharra-astelehen-poetikoak-josu-goiko-eitb/ 8636249 Sun, 06 Feb 2022 23:00:00 GMT 679 false Trikuari esateko izen andana dago euskaz, kirikinoa ,usintxa, besteak beste, baina Josu Goikoren iritzirako "agian guztietan izen politena  sagarroia" da, Sonia Gonzalez idazle barakaldoztarrak aukeratutakoa, IZen horekin argitara eman zuen 2002an poema liburua, Arrese-beitia saria irabazita. Bere aurreneko liburua izan zen, harrez gero, gehiago argitara eman ditu, poesia ez ezik nobela eta saiakerazkoak. "Goizak ", "Auzoa eta poesia" eta "Mendekua" poemak irakurri ditu Josu Goikok ahots goran, Podkastaren atal honetan. https://www.eitb.eus/eitbpodkast/jakintza/kultura/astelehen-poetikoak/audioak/osoa/8781181/podcast-audioa-sonia-gonzalez-sagarroiak-poema-eder-bizi-gogor-indartsuak-jasotzen-dituen-liburua-/ 8781181 Sun, 10 Apr 2022 22:00:00 GMT 569 false Berriki jakin du Josu Goikok, Tolosan, Bentaundin interbentzio artistikoa egin dutela pasean ari zaren bitartean poesia irakurri ahal izateko. Aitzakia hori baliatu du interbentzio artistikoak egin zalea zen Joxan Artze Astelehen poetikoetara ekartzeko. Usurbilko artistak Elkar argitaletxearekin argitara eman zuen "Bizitzaren atea dukegu heriotza" liburutik egin du goranzko irakurketa Josu Goikok podcastaren gaurko atalean, liburua bera baita interbentzio artistikoa. Lehen poesian, "Bihotza begietan" deritzonean, Xabier Lizardi du gogoan, beste bi poemak entzutea duzu onena, ez bait dute izen-buru zehatzik.  https://www.eitb.eus/eitbpodkast/jakintza/kultura/astelehen-poetikoak/audioak/osoa/8764849/poscast-audioa-joxan-artze-bizitzaren-atea-dukegu-heriotza-eta-gehiago-astelehen-poetikoak-eitb-podkast/ 8764849 Mon, 04 Apr 2022 10:59:54 GMT 591 false Poesia egunerako kultur eragile baten poesia aukeratu du Josu Goikok, Gotzon Barandiaranen "Katamalo" (Susa 2007) poema liburutik aukeratuta. Unibertsitatean elkar ezagutu zuten kultur eragileak eta biek eta opari txiki bat egin nahi izan dio urte betetzean. Podcastaren atala prestatzeko berriz irakurrik , iruditu zaio ahots indartsua daukan liburua, "eta ahots hori da politikoa, goitik behera ezarrita diguten statu quoaren salatzailea, eta da ume baten ahotsa, eta da maitale baten ahotsa, eta da etorkizun hobe baten esperantzan dagoen ahots poetikoa", Josu Goikoren iritzirako. Ostondo edo ostenduk, gorde edo ezkutatu esan nahi du eta  "Ostondu sakon poza" du izen burua aukeratutako aurreneko poemak. "Soka Labur" sailetik da bigarren poesia aukera eta "Argazkiekin zorretan" deritzo hirugarrenak.   https://www.eitb.eus/eitbpodkast/jakintza/kultura/astelehen-poetikoak/audioak/osoa/8731754/podcast-audioa-gotzon-barandiaran-katamaloren-egilea-eta-kultur-eragilea-eitb-podkast-josu-goiko/ 8731754 Sun, 20 Mar 2022 23:00:00 GMT 681 false Kasualitatez iritsi zen Josu Goiko Antxus Iñarraren "Hirusta" liburuaren orrietara, Susa argitaletxeak digitalizatuta dauzkan liburuen bitartez Armiarma izeneko webgune ederrean. Idazle eta irakasle Bergararrak orain berrogei urte idatzitako poema liburua bait da. Josu Goikok argi esan digu Astelehen poetikoak podcastean "badira liburu batzuk inperfektuak izan arren (eta hau hala da) han eta hemen izugarrizko indarra edo autentizitatea erakusten dutenak". Pelikulekin ere gertatzen da, ez dira borobilak agian, baina badaukate zerbait. Eta horixe gertatu zaio Josuri "Hirusta" liburuarekin. Hiru gai unibertsaletan zatitzen dira liburuko poema laburrak: amodioak, bizitzak eta heriotzak. Amodioari dagokio aurrenekoa, eta bizitzaren esparruan kokatzen dira Josuk aukeratutako beste bi poemak, Urte Zaharrari eta Zuhaitzari dagozkionak.   https://www.eitb.eus/eitbpodkast/jakintza/kultura/astelehen-poetikoak/audioak/osoa/8715813/podcast-audioa-aitxus-inarra-hirusta-amodioa-bizitza-heriotza-inperfekzioaren-indarrajosu-goiko-eitb/ 8715813 Mon, 14 Mar 2022 11:22:00 GMT 586 false Poema liburu bat zabaltzen duzunean zer aurkituko duzun ez dakizu. Izan daiteke zeure burua ikusteko ispilu bat; izan daiteke beste baten bizitzan zeure burua murgiltzeko putzu bat; jostailu bat izan daiteke, atseginerako edo kontsolamendurako tresna bat, eta izan daiteke horien guztien batura bat. Horixe izan daiteke ,gutxi-asko, Castillo Suarezen "Urtebetetze festa" (Elkar, 2012) izeneko poema liburua eta beroni eskaini dio Josu Goikok, Astelehen poetikoak podcastaren atala. Ibilbide luzeko poeta da Suarez, poeta purua, Josuren iritzirako "poesiaren mugen barruan soilik idatzi duen idazlea". Hala ere, poesiak ematen duen askatasun formala baliatuz, liburu honetan ia ez dago bertso lerrorik. Eta badago narratzaile baten ahotsa ere. Poema bakoitza istorio garratz bat da. Galeraz ari da, haurtzaroko galeretaz, baina batez ere maitasunak eta desirak dakartzaten galeretaz. Liburu umezurtza aipatu du Josuk. "Errepideak", "Zu maitatzeko giroa dago", eta  "Ez da beharrezkoa idaztea"  ahots goran irakurri dizkigun hiru poemen izen buruak.    https://www.eitb.eus/eitbpodkast/jakintza/kultura/astelehen-poetikoak/audioak/osoa/8700039/podcast-audioa-castillo-suarez-urtebetetze-festa-astelehen-poetikoak-josu-goiko-eitb-podkast/ 8700039 Sun, 06 Mar 2022 23:00:00 GMT 659 false Josu Goikok Astelehen Poetikoak podcastean azaldu digunez tradizio askotan daude Inauteari lotutako olerkiak. Umore punttua izaten dute eta askotan bertso lero neurtu eta errimatuak izaten dira, Chirigota adibidez. Euskaldunok "ez daukagu soneto edo quintillaren tradiziorik, guk zortziko handiak eta txikiak, seiko eta bederatziko motzak dauzkagu" azpimarratu du eta inauterien aitzakian, horietako batzuk ekarri ditu tartera. Bizente Etxegarai, Donostiako udaleko garaiko teknikari eta bertso jartzaileak 1830ean jarritakoak aurrena. Patxi Etxeberria apaizak, iñauteriaren kontra idatzitakoak gero eta amaitzeko Pello Esnal idazlearen bertso batzuk. Mozorrotu bai edo ez dilemari helduz. Bertso hauetan, Esnalek mozorrotu nahi ez duen buru hotza eta mozorratu beharra duen bihotz beroa elkarrizketan jartzen ditu.   https://www.eitb.eus/eitbpodkast/jakintza/kultura/astelehen-poetikoak/audioak/osoa/8684145/podcast-audioa-inauterietako-bertsoak-umore-punttua-dute-historian-zehar-hemen-eta-hemendik-kanpora-eitb/ 8684145 Sun, 27 Feb 2022 23:00:00 GMT 651 false Argirik gabe ez legoke bizitzarik, ez eta sormenik ere. Argia, Euskaraz, adimenaren baliokide da, hala gogora ekarri digu Josu Goikok Astelehen Poetikoak podcastera. Peru Magdalena, idazle Durangarraren "Argia" (Elkar 2016)  poema liburua eskuetan hartuta etorri da Josu, "Poema jostaria, sakona, arina, nostalgikoa, bitala… gauza asko da liburu hau, eta helburu bakarra du: argia zer den deszifratzea". "Elurra"ri eskainitakoa izan da ahots goran irakurtzeko aukeratu duen aurreneko poema " argiaren esentzia begietara ekartzen digun materiazko gauza bat" bait da elurra. "Gau garbia" eta "Enarak" beste bi irakurgaiak-  https://www.eitb.eus/eitbpodkast/jakintza/kultura/astelehen-poetikoak/audioak/osoa/8668078/podcast-audioa-peru-magdalena-argia-argirik-gabe-ez-dagoelako-ezer-josu-goiko-eitb-podkast/ 8668078 Sun, 20 Feb 2022 23:00:00 GMT 625 false Egunkaria atzekoz aurrera irakurtzen den bezala, Itxaro Bordaren "Oraina" (Susa, 1998) liburuaren atzekoz aurrerako entresaka eginda osatu du Astelehen poetikoak podcastaren atal hau Josu Goikok. Izan ere, liburu ilun samarra egiten zaio Goikori, Baionako idazle oparoaren hau. Bilaketa lana, denboraren jitoan egindako bilaketa bat, erbestean, barneko erbeste batean egindako bilaketa, heriotzaren itzalpean egindako bilaketa, hitz neurtuetan eta prosa poetikoan zehar egindako bilaketa. Horregatik, pentsatu du atzekoz aurrera egitea irakurketa, liburua argi izpi batzuekin hasi bai, baina iluntzen doalako. Ilunetik argira egin du entresaka, Josuk.  Ia urtero argitaratzen du Bordak libururen bat dela poesia, dela nobela, dela narrazioa. Poeta bikainaz gain, idazle barrokoa ere iruditzen zaio Josu Goikori "eta ez diot hau, hegoaldeko begi kondeszendientez, haren iparraldeko euskararen kutsu nabariagatik, baizik eta benetan darabilelako poeta honek hizkuntza nahieran, haren aukera guztiak baliatuz, irakurlea uneoro desafiatuz."  Zer da bizitza, heriotzarako bidea ez ezik? Eta zer heriotza, bizitza oso baten ondorena baizik?  eta  "Bizitza. Eta zer da bizitza? Denbora. Eta denborak, egunen eta urteen igaroak, gizakia higatu egiten du." poemak irakurri dizkigu ahots goran Josuk.        https://www.eitb.eus/eitbpodkast/jakintza/kultura/astelehen-poetikoak/audioak/osoa/8652015/audioa/ 8652015 Sun, 13 Feb 2022 23:00:00 GMT 665 false Pablo Hasel raperoaren atxiloketa salatzeko manifestazioetan poliziaren tiroz begia galdu du neska batek eta horren arian sortu du Astelehen Poetikao  Josu Goikoetxeak . Podcastean,begia gaitzat duten Joan Margarit, Bitoriano Gandiaga eta Leire Bilbaoren poesia-zatiak hautatu ditu. https://www.eitb.eus/eitbpodkast/jakintza/kultura/astelehen-poetikoak/audioak/osoa/7870068/podcast-audio-josu-goikoetxea-begiak-zenbat-balio-du-astelehen-poetikoak-gaia/ 7870068 Mon, 22 Feb 2021 23:00:00 GMT 517 false